E le o toe mamao uma le faamāmā avega na fesoasoani mai ai le malo i road user charges poo peimeni nei e totogi e taavale tetele toe mamafa ma ua sau ai ma le lapataiga o le faaopoopo o le taugata o oloa mai supamaketi.
O road user charges nei na faaitiitia i le 36% mai le tausaga talu ai ma e uma lea fesoasoani i le Aso Lua o le vaiaso fou, ma o lona uiga o lea o le a toe foi i le tau masani sa totogi muamua.
Mai le Transporting NZ ua tautino i tala a le Newshub o loli 45 tone o loo fealuai i le 100,000km i le tausaga o le a ia totogia le $21,000 faaopoopo i le tausaga.
O le tele o oloa feaveai e loli tetele i totonu o Niu Sila pe a ma le 93%, ma ua fai mai ai ma le kamupani o le tele o le tau e totogi e loli o loo felaua’i ai oloa o le a atili taugata ai ma oloa i supamaketi.
O le fesoasoani foi lenei na manino lava saunoaga a le minisita o felauaiga Michael Wood e aua nei iai se faamoemoe e toe faaopoopo le taimi e faaaoga ai, ma e oo mai i le taeao nei o loo tumau lava le aso 31 o Ianuari.
