Afai o lea ua uma le aso e aogā ai lou tusifolau ma o le a faatalosaga le faafou, o lona uiga e ono maua mai lou tusifolau fou ua sau ai ma le suiga o loo lomia ai le suafa o le alii tupu ia King Charles III.
O le pito i totonu o le faavaa o le tusifolau Niu Sila o loo iai i le taimi nei o loo iai le fe’au o loo taulai i le tupu tamaitai ia Elisapeta, ma o lea na sau a’i i le 70 tausaga.
O le tuumalo ai o le tupu tamaitai ma suia le Ao o le malo o Niu Sila o lona uiga ua tatau ai nei ona suia foi faaupuga i luga o le tusifolau.
O le tusifolau Niu Sila o loo lomia ma tuufaatasia e le kamupani Kanata, Canadian Bank Note Company poo le kamupani lea na te lomia foi tupe a le atunuu.
Mo tusifolau o loo iai le suafa o le tupu tamaitai ma e lei uma aso e aoga ai, o lea lava e aoga seia oo i le taimi e moomia ai le faafou.
O se suiga ua sau ai foi ma le lapataiga e ono umi se taimi e faatali ai mo tusifolau, ma o le fā vaiaso lea o loo ta’ua e le matagaluega o le va i fafo i luga o la latou upega tafailagi.
