O le aso 30 o Oketopa e faapea o le aso mulimuli lea o le Tupperware i totonu o Niu Sila ma ua mafua ona tapunia ona o aafiaga faaauau o le Koviti.
E latalata i le 50 tausaga o iai lea pisinisi i Niu Sila, lea e sapalaia container plastics, ma i lipoti e faapea talu ona sau le Koviti ma amata mou mālie atu, na taofia ai ma le tele o sapalai mai ana paaga faavaomalo.
E oo lava foi i totonu o le atunuu, e le’i toe foi lava le tutusa o faatau sa iai a o le’i sau le faama’i ma le taimi nei.
E le’i māmā i le pulega le faai’uga, peitai na ta’ua e le UOL lea o loo aumaia le Tupperware i Niu Sila, ua lava lea.
Mai le Aso Gafua o le vaiaso fou o le a lē toe maua e paaga loyalty points, ma o ā foi oloa e moomia le fesoasoani i itu tau warranty, o le a tali lea e le Tupperware a Ausetalia.
