E lē o iai se tetee mai le ta’ita’i o le Itu Agai, Chris Hipkins i se fuafuaga e toe tagatagai ai i le tulafono o galuega lautele le Public Works Act.
Ua ta’ua i le lipoti a le One News o le tulafono lea e faataga ai ofisa o le malo ona faamalosia tagata ma pisinisi e faatau o latou fanua ina ia faatinoina ai poloketi tetele.
O le vaiaso nei ua faailoa ai i le lipoti le finagalo o le minisita o feagai ma faamaumauga tau eleele, Chris Penk ina ia faia ni suiga i le tulafono ina ia faavave ai nisi o poloketi tetele.
I lalo o le tulafono lea i le taimi nei o le umia o fanua e le Crown e fai lava si umi o taimi e faatali ai pe a faia ni faamasinoga peitai la ua faailoa i le lipoti o loo fia vaavaai i ni auala e faavave ai lea tulaga ma faamautu ai foi ma i latou e ana fanua ma ia vave ai ona faauma galuega.
Fai mai Hipkins ua tatau ona silasila i le tulaga lea ma ina ua fesiligia e le autusitala pe aisea na lē silasila ai le leipa i lea tulaga a o tulai mai i le faigamalo, fai mai Hipkins, e fai si tele o suiga i tulafono sa faatino i totonu o le ono tausaga na o latou tulai mai ai i le malo, e moni e lei vaavaai iai i lea taimi ae lē o tetee i le vaai loa iai i le taimi nei.
Puna o Faamatalaga: https://www.1news.co.nz/2024/06/19/chris-hipkins-a-look-at-the-public-works-act-is-a-good-idea
