O lea ua iai le igoa o le afā o loo ta’uta’u e ono agai mai i Niu Sila i le faaiuga o le vaiaso.
Ua faaigoa e le ofisa o le vaaitau a Ausetalia le afa o Gabrielle, ma o le vaega muamua poo le category one lea ua faatulaga ai.
Mai le ofisa o le vaaitau o le afā o Gabrielle e tusa ma lona alamatagi o loo iai nei e ono aafia ai le itu i Saute i Sasae o le atunuu i le Aso Sa, ma e le o manino mai i le taimi nei lona ala matagi mo le vaiaso fou.
E ese mai ia Niu Sila o le tele o vaega o Ausetalia faapea lona teritori tu ese, Norfolk Island lea foi e foliga mai e ono maua i ave o Gabrielle.
