Ua polomisi le malo na te tuliloaina pisinisi o loo faatau atu i tua vape, peitai ua leai se tupe faasili e faataunuu ai tulafono fou.
O le aso ananafi lea na faailoa mai ai fuafuaga o le a tapu ai vape nei e na o le faatasi ona ula ma lafoai, ma o se faiga ia faaitiitia ai le fuainumera o talavou e tagofia le vape.
Fai mai le malo o le faaiuga o le tausaga lea o loo vaavaai iai e tatau ona oo atu iai ua aloaia nei fuafuaga.
O nisi o tulafono o le a sii ai faasalaga e tuuina atu i pisinisi e faatauina atu vape i talavou e i lalo o le 18 tausaga, lea ua fai mai o le a totogi e le pisinisi e solia lea tulafono le $100,000 ae lē o le $10,000 e pei ona iai nei.
Ta’ua mai ai i lipoti mai le faitau afe o pisinisi o loo faatauina vape i totonu o Niu Sila, pe ā ma le na o le 15 tagata o loo usitaia.
O ni suiga e iai galuega e moomia ona faia ia mafai ai ona faataunuu, peitai mai le minisita lagolago o le soifua maloloina, Casey Costello, e lē o iai se tupe faasili e mafai ona faia uma ai nei fuafuaga.
