E le o aoga uma i Aukilani lea e toe foi i le aso
O le aso ua toe foi ai fanau o i vasega 11 – 13 i aoga talu mai Aukuso
O le Aso Lulu o le vaiaso talu ai na sau ai le faasilasilaga mai le minisita o aoga, Chris Hipkins e toe foi vasega nei i aoga i le aso ona o tapenaga mo suega faaiu o lenei tausaga atoa ai ma assessments
Peitai o Takapuna Grammar School, Sancta Maria College i Flat Bush ma Kaipara College lea na ripotia e le foi i potuaoga I le vaiaso nei ae faaauau mai pea i le fale seia vagana ai nisi o workshops faapitoa
Ripotia e le NewstalkZB o le tulaga foi lea o loo iai le kolisi a St Kentigern
Ae mo le isi lautele o aoga maualuluga o le a toe foi i vasega i le aso, e mau lava i latou o loo fiafia mau foi e o loo popole ona o le pipisi o le Delta i Aukilani
Mai le soifua maloloina, o loo maualalo le tulaga ono lamatia o fanau i totonu o aoga fua i le maualuga o tagata ua uma tui
O le toe tatala o aoga mo ia vasega i le aso, e tatau ona mulimulitaia faatonuga mai le soifua maloloina
