Le fiafia le toatele o tagata Ueligitone I tetee na poloka ai auala ananafi ao agai atu ai le toatele e faaleo lo latou le lagolagoina o tapu ma le faamalosia tui o le Koviti
Ripotia e silia ma le tasi afe tagata ae faitau selau le tele o taavale ma pasika na poloka ai le taulaga I Ueligitone ananafi, ma o le tele na paka I luga o auala ae savavali agai le maota fono
E ui la I le aafia o femalagaiga ma galuega masani a Ueligitone toe sese pakaga a le toatele e le I manao le council e faasala e ala I le tuuina atu iai o tickets, pau o lea o le fautuaina o tagata feoai Ueligitone e taumamao ma auala na poloka, ma I se tali a le council i le Newshub o se faaiuga faia mo le saogalemu
E ui I le toatele na auai I lea tetee e le I iai se tali mai le malo ma o le manaoga o I latou nei ia omai le malo latou te feutagai, peitai e uma lelei ananafi e leai se tala ma o lea foi sa fono le palemene
E oo mai I le po anapo o lea ua faatutu faleie I luga o malae o le maota, ma e foliga mai e ono vaiaso atoa ai I fafo
O le umi o le a faatasitasi ai, o lona uiga o le umi foi lea o le a aafia ai ma feoaiga masani I le taulaga I Ueligitone
