Ua leai mai le malo e na te lē faatupeina le malaga mai o Taylor Swift.
A o iai Taylor Swift i lana malaga taamilo o loo afea ai Sini ma Melepone i Ausetalia, o lea e misi Niu Sila ma ua ta’ua e le Pule Sili o le Eden Park Stadium, Nick Sautner e le o mafai ona faatautava ma le maketi o loo iai nei ona o le taugata tele.
O Ausetalia lea o loo maua le fesoasoani mai le malo mo le malaga mai ai o le tamaitai pese ma o le ala foi lea na sulu ai i latou o loo tuufaatasia faafiafiaga nei agai i le malo mo se fesoasoani tupe.
Ua lipotia e le 1News e ui ua faamavae lē sa avea ma Palemia Jacinda Ardern mai faigafaapolokiki ae o lea lava na o iai mo sana fesoasoani.
Peitai ua tali le minisita o tupe, Grant Robertson e le faaaluina tupe a tagata totogi lafoga e faatupe ai le sau o Taylor Swift.
