E le o iai se mafaufau o le malo e na te aumaia le fitafita Kiwi ua maliu a o iai i le taua i Ukraine.
O le faamaoniga lea mai le Palemia Chris Hipkins, ae fai mai le minisita o le va i fafo Nanaia Mahuta, o le faitalia o loo i le aiga o Kane Te Tai e aumai ai lona tino maliu i Niu Sila.
O Te Tai na faamaonia mai ai i le Aso Tofi o le vaiaso talu ai ua fasiotia a o iai i le taua, ma e ui o se tasi na koleni atu i Niu Sila le avea ai o ia ma fitafita, ae o lana lava faaiuga na alu ai e avea o se fitafita mo Ukraine.
Na saunoa le Palemia e le o iai se faamoemoega o le malo na te totogia le silia ma le $65,000 e aumai ai lona tino maliu ma e le fou lea faaiuga i mataupu faapenei.
E oo mai i le asō e le o suia lava le faaiuga a le malo o Niu Sila e ala lea i le fautuaina o tagata e aua le faimalaga i Ukraine ma e oo lava foi i le militeli a Niu Sila e le o mafai ona auina sa’o atu e fesoasoani ia Ukraine ma lana taua.
