O loo filofilo ai ma le 9 tausaga i le augaoi lea ua ave nei e leoleo.
E toa 12 i latou ma e toatele lava i tupulaga talavou na saisai mai e leoleo ananafi e faatatau i le gaoiina o le pamu penisini i Waikato.
O le kulupu lenei o loo tuuaia na faaoolima i le tagata faigaluega ae gaoi sikaleti ma toe sosola ese mai.
E lei leva ae maua e leoleo mai se tasi o fale ma e le gata o lea na saisai mai ai, ae na maua mai ai foi ma le tele o le sikaleti gaoi faatasi ai ma masini tupe o faleoloa.
Mai le toa 12 o i latou, o le toasefulu e mai le 9 tausaga i le 15 ma o lea ua tutulai isi i luma o le faamasinoga o tupulaga talavou.
