E foliga mai o si tamā matua lea na maua atu ua maliu i lona fale i Roselands i Sini nei na faaoolima lava iai se tasi o lona aiga.
Ua ta’ua mai e le 7News o le tamā matua e pei ona ta’ua sa maua atu e lona atalii i lona fale ma valaau ai loa mo se fesoasoani ae o le isi alii e 24 tausaga feta’ua’ina e aiga ma lē ua maliu, na pueina e leoleo i se nofoaga lata ane.
O le po anapo pe o le lata i le 10 na tupu ai le faalavelave lea ae fai mai e 91 tausaga o le tamā matua sa iai manuaga i lona tino e foliga e mai se naifi tulou ma e aofia ai ma se vailaau e faaaoga e faamamā ai vaitaele ua sasaa solo i le fale.
Na togafitia ai ma nisi o malu o le malo ina ua manavaina se vaega tele o le vailaau.
O loo faia nei le suesuega i le atoaga o lenei faalavelave.
