Pe ā ma le $26 miliona Niu Sila le vaegatupe lea ua aveesea mai i le faaputugatupe poo le funding mo tagata Pasefika ina ua folasia mai vaega o le tala faatatau o le tupe poo le Budget 2024 a le faigamalo.
Ua faailoa i le RNZ o le tausaga faaletupe talu ai 2023/2024 sa $116.2 miliona peitai o le tausaga faaletupe 2024/2025 e sili laitiiti ma le 90.2miliona.
Saunoa le minisita mo Tagata Pasefika, Dr Shane Reti i se pepa o faamatalaga e faapea, o lana faamuamua o le itu tau fale, faaleleia o le tamaoaiga, aoaoga aemaise galuega ma le soifua maloloina.
Fai mai a ia o loo galulue nei ma le matagaluega e faamautu e agai sa’o seleni o loo iai i le taimi nei e faaaogā tatau.
O le faamatalaga mai le sooupu o le Leipa, Carmel Sepuloni i le mataupu lea na ia faailoa ai e leai se mea o iai i lea paketi mo tagata Maoli ma le Pasefika.
Puna o Faamatalaga: https://www.rnz.co.nz/international/pacific-news/518321/budget-2024-nz-govt-cuts-pacific-funding-by-26m-in-budget
