E fai si to’atele o tinā ma’itaga ma tinā faato’ā mae’a ona ola a latou pepe, faapea foi ma tamaiti ua toe tipoti aga’i atu i Haiti a o faatino le galuega a le ofisa o femalagaa’iga a lea atunuu le immigration i le aveesea o tagata ulufale atu faasolitulafono i le atunuu.
I se faamatalaga mai le pulega o le atunuu lea ua ta’ua ai e 135 tamaitai ma tamaiti ua ave atu i se nofoaga faasala mo i latou e leai ni pepa e faatali ai le toe aveina atu i le atunuu tuaoi o Haiti.
Ua tula’i mai lea tulaga ina ua faamamalu faiga fou ia a le Peresetene o Dominican Republic, Luis Abinader ua faatonu ai le aufaigaluega i le matāgaluega o le soifua mālōlōina ina ia sa’ili gasegase ma o latou pepa faamaonia, o ni tusi mai galuega ma faamaoniga o nofomau ma ia faamaonia ane e le ofisa o le immigration.
Fai mai o i latou ua toe tipoti atu i Haiti o loo feavea’i ane i pasi o loo saogalemu mo le latou faigamalaga ma ua mae’a ona faia siaki o le soifua mālōlōina ia faamautū o loo manuia.
O nei gaioiga uma o loo tetee ma faitio iai kulupu o loo finau mo aiātatau ma le soifua mālōlōina o tagata.
O le Dominican Republic o se atunuu i Amerika i Matu.
Puna o Faamatalaga: https://edition.cnn.com/2025/04/23/americas/dominican-republic-haiti-hospital-crackdown-intl-latam/index.html
