O loo silasila le atunuu o Denmark ia Amerika e ono avea o se popolega tau le puipuiga mo latou ma o le ulua’i taimi lea ua tupu ai lea tulaga.
O ia faamatalaga o loo faamauina i le latou lipoti faaletausaga lea ua faalauiloa aloa’ia ane e se tasi o a latou ofisa su’esu’e ma ofoina ane ai ni faamaumauga o loo atagia ai ma le faiga faapaaga i le va o Europa ma le malo tele o Amerika.
O lea lipoti e pei ona faailoa e le CNN, sa tuufaatasia e le vaega su’esu’e a Denmark, le Danish Defense Intelligence Service, ua o latou ta’ua ai o Amerika latou te faaaogā lo latou malosi’aga faaletamāoaiga atoa ma faamata’u o lafoga faaopoopo i oloa poo tariffs e faamalosi ai ana pulega ma o le a lē taofia foi le faaaogāina o lona malosi faamiliteli e faasagatau ai i ana allies poo paaga.
E lē o faailoaina i le lipoti se tali a le ofisa o Amerika i Denmark e tusa o lea lipoti ae ese mai i le lapata’iga lea e faatatau ia Amerika, o isi vaega o loo taula’i iai lea lipoti o faamata’u o loo ono tula’i ane mai ia Lusia ma Saina aemaise o le siitia pea o le malosi o Saina.
Puna o Faamatalaga: https://edition.cnn.com/2025/12/10/europe/denmark-intelligence-report-intl
