Ua faasa’oloto e Denmark le alii o Paul Watson o se tagata e tetee malosi i le fagotaina o tafolā mo le fofoga taumafa.
Ua faasa’oloto mai nofoaga taofia sa iai ma le faamatalaga ua o latou teena foi se talosaga mai ia Iapani ina ia tuu atu lea alii i o latou lima e faia iai moliaga faasolitulafono i ni mataupu ua tuana’i.
O le alii lea o se tagata Amerika ma Kanata foi o Watson, e 74 tausaga le matua, sa ia amataina le kulupu o le Sea Shepherd ma sa pu’eina ina ua taunuu lona vaa i Greenland ia Iulai.
Ua faia sana faamatalaga ua fiafia o le a fai Kerisimasi i lona aiga ma vaai i si ana fanau ma faafetaia tagata na lagolago ia te ia i le finau atu i lea mataupu.
Fai mai le matagaluega a le faamasinoga a Denmark sa faia le faai’uga ia Watson e fua i faamaoniga ma le umi o le mataupu lea.
Na malosi le lagolago ia Watson mai Farani lea sa aumau ai ma lona aiga talu le 2023 ma sa lagolago foi iai le Peresetene o Emmanuel Macron.
Puna o Faamatalaga: https://edition.cnn.com/2024/12/17/europe/denmark-frees-whaling-activist-watson-intl-latam/index.html
