Ise lipoti ale Newstalk ZB ile aso ua taua ai o le councillor a le Leipa Efeso Collins ua ia faailoa o le a tamoe mo le tofiga o le pulenuu o Aukilani.
O faamatalaga o loo feaveai e pei ona faailoa ile lipoti e faapea e le toe tauva Phil Goff mo le tofi ile faigapalota ia Oketopa ma ua ia ioeina leisi councillor mai North Shore o Richard Hills e suitulaga ia te ia.
O loo taua la I lea lava lipoti o se tauvaga e ono tulai mai I le va o Collins ma Hills e ono vaeluaina ai palota ae ua faailoa foi e I laua uma ia e toalua pei ona agiga I le lipoti o le a faalauiloa a la fuafuaga I nai vaiaso o lumanai ai.
O Goff sa avea muamua ma minisita o le va I fafo ma minisita foi o fefaatauaiga a le atunuu ma o loo fetauaina e ono silasila ise tofiga faavaomalo.
O faigapalota e faia ile tausaganei mo tofiga ia ma ua taua foi ile lipoti o nisi o sui e ono tauva mo lea avanoa e ese mai ia I latou I totonu o le council e aofia ai Leo Molloy, Viv Beck, Craig Lord ma Jake Law ae o loo faatali I nai vaiaso o lumanai nei mo seisi tala lata mai I lenei mataupu.
