E silia i le 1.4 miliona tagata o Sao Paulo i Brazil ua lē oo le eletise i o latou fale i le mae’a o matagi malolosi ua lipotia le mafuli ai o laau ma le tele o mea ua faaleagaina, ae faafetaia le to’atele ona o le leai o se soifua e ma’umau ai.
Ua lipotia e le CNN toeitiiti 400 faigāmalaga ua faalēaogāina ona o le malolosi o matagi.
Fai mai e silia i le 230 laau na to’ulu ma ua tele foi aafiaga i alatetele ma fale o aiga.
O aafiaga ua amata faalogoina i le tele o auaunaga ma pisinisi auā afai e faaumiumi ona leai se eletise o lona uiga foi ua tele mea o le a lē mafai ona faataunuuina i auaunaga i aso ta’itasi e faamoemoe i le paoa.
Puna o Faamatalaga: https://edition.cnn.com/2025/12/11/americas/sao-paulo-blackout-flights-canceled-intl-latam
