O le tagata aupito matua ua faamauina i le lalolagi e 116 tausaga, ua maliu.
O se tamaitaisā mai Brazil o Sister Inah Canabarro na maliu i le vaiaso nei ae sa soifua ane mai se aiga to’atele i le itu i Saute o Brazil i le tausaga e 1908.
Ua lipotia e le 9News sa faailoa le faaaloalogia e le Tamā Paia ua tuumalo talu ai nei, Pope Falanisisi o lea Tamaitaisā i le atoaga o lona 110 tausaga.
E i le ituaiga o Tamaitaisā Teresian Sisters ma ua faailoa e i latou sa mafuta ma Sister Inah, o se tagata e fiafia ma ofoina lona soifua mo le auaunaga i le Atua.
E fiafia i taaloga ma ua lipotia le faatumulia o le nofoaga sa aumau ai i meaalofa mai le kalapu soka sa ia lagolagoina ma o le asō ua lipotia o loo faia ai ona toe sauniga.
