Ua maliliu uma tagata e to’a 10 sa i luga o se tama’i vaalele na pa’ū ma lavea i le aai o Gramado i Brazil ma ua lipotia foi e to’atele tagata na manunu’a ai o i latou sa i le fogaeleele.
Ua faailoa e le CNN e na o ni nai minute talu ona tuuvaa ese le vaalele mai le malaevaalele ae feto’ai ma le pito o se fale ma i’u ina aafia ai ma se pisinisi faimeafale.
Fai mai a itiiti mai pe to’a 17 o loo manunu’a ma aveina atu i falema’i i le aso ananafi ae ua maliliu uma le pasese.
Ua faailoa foi i lipoti o i latou ua maliliu o sui o se aiga e tasi.
O loo faaauau le su’esu’ega i le mafuaaga ma ua faaoo ane foi iai faamaisega ma alofa’aga mai le Peresetene o Brazil.
O le nofoaga lea o Gramado o se Resort e to’atele tulisi e fiafia e aga’i iai aemaise lava i le vaitau lenei o le Kerisimasi.
Puna o Faamatalaga: https://edition.cnn.com/2024/12/22/americas/small-plane-crash-brazil-intl-latam/index.html
