Ua faalogoina le le fiafia o le toatele ile tau ua iai nei le penisini ile atunuu ona ua faaopoopo atu I mafatiaga o lologa ma uiga louloua ole tau e pei ona aafia ai setete ile taimi nei.

Faimai I latou o loo galulue I lea matafaioi e oo atu ile $2.20sene ile lita le tau o le a ono iai le penisini ini nai aso o lumanai mae o se suesuega na faia e le 9News ua iloa ai pe a ma le 64 pasene o tagata mai aiga na suesueina sa o latou faailoa ua lagona le mamafa o le avega foi ia mai le tau o le penisini ma o nisi ua sili ai le soifua e aunoa ma ni taavale.

O le taimi nei o loo iai le penisini 91 ile $1.80 poo le $1.90sene ile lita I isi pamu mae fai mai o le vevesi I Ukraine leisi mafuaaga tele o le siitia o le tau o loo faatauina ai le suauu.

Mai le suesuega sa faia ua iloa ai pe a male $257.46 sene e faaalu e se aiga I le masina ile penisini o le taavale mae ua silia ma le 30tala ua sili ai nai lo le aofai e masani ona iai ao lei siitia le tau. Fai mai tagata, a faasaga atu I faleoloa ua sii maualuga le tau o oloa, a faasaga mai foi ile taavale ua tauau ina le a’ua’u le faasoa e maua ai se penisini e alu ai le taavale.