Taliu mai i le agai atu i Matu, na aveesea faatopetope mai nisi o aiga Dargaville anapo ona o le popolega o le siisii o le suasami ma ono le mafai ai e taligalu ona tatali.
O lea na pisi le ami faapea le vaega o tineimu e asia fale o nisi o aiga faapea pisinisi e agai ese.
O le popolega o le sau o tafega mai lologa sa iai faatasi ma le sua o le tai e tusa lea o le itula e 9 anapo na mafua ai ona lapatai ma aveesea mai ina nei lamatia.
Peitai o le tala fiafia e oo mai i le itula e 6 i le taeao nei ua faaleaogaina nei lapataiga ma o lea sa gafatia lava e taligalu ona tatali le malolosi o galu.
Ua toe tatala ai foi ma le State Highway 14 lea o loo fesootai ai Dargaville ma le agai atu i Whangarei.
