Ua aveesea nei le poloaiga o le “state of emergency” sa iai mo Northland ae o loo fautua mai pea le vaaitau i timuga mamafa e aafia ai Aukilani.
O lipoti lata mai ua faailoa ai o loo iai auala i Aukilani o loo tapunia pea ma o loo fautuaina pea foi tagata ina ia nonofo i totonu o o latou fale.
O le Waka Kotahi NZ Transport ua latou faailoa e iai vaega o loo iai sologa eleele ma le otaota o loo poloka ai isi auala ma o loo faatino foi le galuega laveai a leoleo i nisi o aiga i le faaitu o Thames lea o loo aafia fale i sologa eleele.
Ua faailoa mai ua toe tatala atoa le Greenlane iInterchange i le State Highway 1.
Ua toe tatala uma motorway i Aukilani sei vagana le Esmonde Rd Northbound on ramp e pei ona lipotia e le televise a Niu Sila.
O le faamatalaga mai le Metservice e faapea, o le mamafa o timuga ua pasi ese atu ma Northland ma Aukilani ae o loo iai pea lamatiaga o nisi o timuga mamafa ua fautuaina mo Aukilani.
