E valu aiga na aveese ananafi mai le ogatotonu o Ueligitone ona ua lē saogalemu lea nofoaga mo i latou ona o le palapala solo.
Na poloka e le palapala solo se vaega o le The Terrace i Ueligitone ma na vave ona oo atu iai fuimu faapea leoleo e poloka mo femalaga’iga pe tusa lea o le itula e 4 i le afiafi.
Na faia ai ma le faai’uga a le City Council a Ueligitone e aveesea mai aiga aafia nei ona o le maualuga o le lamatia mai le palapala solo.
E tuufaatasia tala fou pe tusa ma le 20 tagata ua aveesea mai, ma mai le council e talitonu e leai se isi na faamanu’alia.
E ono faaauau mai i le taeao nei le tapunia o auala fesoota’i ma lea vaega o le taulaga, ma o loo fautuaina foi tagata savavali e aua ne’i uia lea auala.
I totonu lava ia na o ananafi, 11 palapala solo lipotia mai i Ueligitone.
