Search
Satiu Simativa Perese
Satiu Simativa Perese

Ave se tusi faaseā a le HRPP faasaga i le faamasinoga

O se tasi lenei o tusi faaseā ua faia e le failautusi a le HRPP le afioga ia Lealailepule Rimoni Aiafi. O le tusi muamua na faia faasaga i sui o le FAST ae o le tusi lona lua lenei ua faia faasaga i le faamaisnoga.

O lenei faaseā na tuuina atu i le sosaiete o loia i  Samoa ua talosagaina ai le peresetene a le Sosaiete ina ia faia se suesuega faasaga i loia na tapenaina ma faatino le faatautoga o sui filifilia uma o le Faatuatua i le Atua o Samoa ua tasi e aofia ai ma le Faamasino Sili afioga ia Satiu Simativa Perese.

O lenei tusi faaseā na faamatala ai e Lealailepule gaioiga uma a Satiu e faapea  “e lē agavaa” (incompetent) .

I ni faamaumauga na maua e le Samoa Observer na faaalia ai o le tusi na fai i le amataga o le masina nei ma na manino lelei le faasea na faia faasaga ia Satiu ma faapea ai upu o le tusi “e foliga mai e lē mafai e le faamasino Sili ona faatino lana galuega e tusa ai ma tulaga o le faigapalota a Samoa ma le tele o faamasinoga o tagi (petitions) o loo faagasolo pea”.

Taua e Leala “o faaiuga a le faamasino sili ua atagia mai ai le lē agavaa i le taulimaina o mataupu o le faigapalota talu mai lava le amataga.

E leo mautinoa poo le a se vagea tele a le HRPP e maua mai I le fai ai o se tusi faaseā faasaga i sui o le faamasinoga e toalima aofia ai ma le faamasino Sili.

E leai se mafuaaga e aveese mai se faamasino mai le vaega maualuga o le faamasinoga seia vagana  ua malilie le 2/3 o le fono aoao faitualfono peitai afai e lei nofoia se palemene e mafai e le Ao o le Malo ona faamalolo le faamasino sili e ala i le fautuaga mai le Palemia.

E ui i le tele o tuuaiga a Leala faia faasaga i le FAST ae o loo tele ina toe faamavae sui a le HRPP mai le tofi ae toe foi e fai faigapalota laiti ma ua tulai mai ai iuga i le taimi nei FAST 26, HRPP 20.

O le manatu a le failautusi a le HRPP “o loo taumafai le faamasinoga e faateaese le HRPP mai le faigamalo i le taimi nei ma o loo tuamafai e pule le faaiuga a le faigapalota a Samoa”.

O se taimi ua sola na taumafai ai foi le Ofisa o le Loia Sili e aveese Satiu ma le nofoa a faamasino mai le iloiloina o nisi o mataupu o le faigapalota a Samoa peitai e le’i taunuu ao lea la ua auala mai i le tusi faaseā a le HRPP tulaga o le faitioina ma le fesiligia o le galuega a le faamasino Sili.

O lenei talosaga uma a le faialutsi ua fai ai ma sui o le vaega faaupufai e puipuia aia tatau o tagata o loo tuina atu ai ma le faatalauula ina ia faia ni suesuega ma ni moliaga i se tulaga faanatinati

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required