E iai se ofisa loia i Ausetalia nei o le a ia aveina i le tulafono kamupani tetele tau taavale o le Hyundai ma le Kia mo se taui i le mataupu e aofia ai faaletonu i taofi o le taavale lea ua maua sa ono mafua ai le sasao ane o se afi i le taavale.
O le ofisa loia o le Maurice Blackburn ua tuuina le tagi i le tulafono o le class action agai i kamupani ia e lua, fai mai le lipoti e faitau afe taavale ua aafia ai i le faaletonu lea.
O loo taulamua ai i le tagi se tina mai Port Macquarie o Anne Maree Johnston lea e faapea semanu e aafia lona soifua ina ua mu lana taavale o le ituaiga o le Hyundai i lona faletaavale i lalo tonu ane o le potumoe o lona fale.
O le Hyundai ma le Kia ua mae’a ona faailoa mai faaaliga e toe faafoi atu ai taavale mo faaletonu ia i taofi lea e faapea o le faaletonu e aafia ai ma le vaega o loo iai le afi o le taavale ma e telē le avanoa e mu ai pe sasao ane ai se afi e tusa pe o loo tape le taavale.
