O le alii taalo mai Brisbane o Reece Walsh ua faasee sa’o lava i le vasega o faatonu a le NRL lana mataupu ina ua molia i lana amio faaalia i le taaloga na faia’ina ai le Broncos i Gold Coast.

Sa faasala Walsh i toe minute o le taaloga lea e pei ona lipotia e le One News ona o sana faamatalaga sa faia i le laufalī o Chris Butler, peitai o loo faia ai pea finauga i le mataupu lea ona o loo ia teena ia lipoti.

O loo lagolagoina foi e le kapeteni o le ‘au Adam Reynolds le mau a Walsh e le o le laufalī na fai iai ana faamatalaga, fai mai Reynolds o le isi ‘au sa faia ia tala ia Walsh.

Ua ta’ua i le lipoti o le faaiuga a le Match Review Panel i le toe ave ane o Walsh e suesueina i le mataupu lea e ono mafua mai i le ogaoga o faamatalaga ma o le a toe ono faia iai se suesuega.

O le fā ai lea o mataupu ua molia ai lea alii talavou i le tausaga lenei ma ua manatu nisi e ono lusi ai ma le tele o avanoa i le lumanai e agavaa ai i le taaloga.