Ua ave atu i le falemai i se tulaga tigaina se tasi o pasese a le vaa tele le cruise ship lea ua agai ese atu ma le uafu i Aukilani.
Fai mai lipoti o lea pasese na aafia i se tulaga e manaomia ai togafitiga faafomai ma o faamatalaga mai le sooupu a le St Johns ua ta’ua ai i le One News poo le toe kuata i le 4 i le vaveao analeila na logoina ai i latou i lea mataupu.
Na faailoa foi i le lipoti e talavou si tagata o loo aafia ma o loo ta’ua o le vaa o le Pacific Explorer a le kamupani a le P&O.
O le vaega a le Police Maritime Unit sa fesoasoani i le aveeseina mai o le pasese mai le vaa ma avatu ai loa i le falemai e ui e lē o ta’ua poo le ā le faaletonu.
Puna o Faamatalaga: https://www.1news.co.nz/2024/07/09/sick-passenger-taken-off-cruise-ship-in-auckland
