Ua ave i lalo e le Trade Me faasalalauga o le vaa fagota sa faasalalau o se nofoaga e mafai ona nofo totogi ai nisi.
E $350 i le vaiaso e mafai ona rent ai i latou e fia nonofo i totonu o le vaa i Matu o Aukilani ma le polomisi e sau ai le TV, ogaumu, microwave ma le faletaele e tu ese.
Living on the boat, on the land lea na faaigoa ai le faasalalauina o le vaa i luga o le Trade Me, ma o loo tu i tua ane o le fale o le landlord poo lē e ana le vaa.
O se faasalalauga na le fiafia iai le toatele ma faitio e le o faamalieina ai tulafono o loo aiaia ai fale saogalemu, ae o nisi o le taugata o le $350 i le vaiaso ae o lea e nonofo i totonu o le vaa.
Na toe aveese ai loa e le Trade Me ananafi ma toe faamanatu i tagata o loo faaaogaina lea auaunaga e tautuana tulafono i totonu o Niu Sila e faatatau i fale mautotogi pe a faia faasalalauga poo oe foi o se tagata faatau.
