Ua fai mai leoleo e le gata o le a seia dirt bikes poo pasika nei e na o maumaga o loo faataga ai e aunoa ma se laisene, ae o le a iai foi faasalaga.
O lea o loo faatupulaia le tele o pasika nei o loo feoai faasolitulafono i nofoaga faitele, e fai o le leai o ni laisene ae o le leai o ni pulou poo ofu foi e tatau ona laeiina mo le saogalemu.
O le itu i Sasae o Bay of Plenty lea na sau ai tala i vaiaso e lei mamao atu ua fai lava si toatele o le autietie pasika e feoai i luga o auala savali poo footpath faapea auala ta ma o loo matuai saoasaoa tele.
I se lipoti mai leoleo o loo ta’ua ai o le toatele e leai ni laisene e mafai ai ona feoai i nofoaga faitele.
Ua talosaga mai ai i matua e tagai ane i fanau ma e faatoa mafai ona fealuai i luga o le auala pe a iai le laisene, ae a leai e tietie pea i uta i le vao.
