Ua ave e faatosaga le matagaluega a le soifua maloloina i le tulafono.
O le lē taunuu o polomisi ua avea ai le kolisi o faatosaga e tuuina atu lenei mataupu i le tulafono e fai ai ma leo o faatosaga o loo galulue tutoatasi i tua i le komiuniti.
E silia ma le 1,300 faatosaga o loo galulue lava i latou faakonekarate tutoatasi ae e lē o i lalo o pulega a le matagaluega o loo i tua o lenei faaiuga, ma e faapea na amata le fiafia mai lava ina ua soli maliega na faia ma le matagaluega i le 2018.
O se maliega foi ua ta’ua ai e le kolisi e leai ma se mea o lea maliega ua faataunuuina lea e le gata o le lagolagosua i faatosaga o loo galulue i le komiuniti, lelei ma sa’o ona faia totogi ae faapea konekarate fou na ta’uta’u.
O le amataga o Aokuso lea na feiloai ai le minisita o le soifua maloloina Andew Little ma le kolisi o faatosaga, ma o lea na ia ioeina e moni e iai le itu o loo lape ai ma e moomia le faaleleia.
E ui la o lea o loo agai i se itu lelei talanoaga i le vaai a le kolisi, ae ua umi tele ona toso ma ua latou manatu ai o le tulafono lava lo latou mapusaga.
