E toavalu tagata faigaluega a le Immigration o lea ua ave aso malolo a o faia suesuega ia latou talanoaga i luga o le Microsoft Teams, e faapea na faaaogā ai upu lē talafeagai.
O se faamaoniga lea mai le faaulu o le Immigration, Alison McDonald i tala a le Herald e tusa ma le imeli na sau i tua i le matagaluega i le vaiaso talu ai.
O ni talanoaga e faapea ua soli ai taiala o loo limata’ita’iina ai amio e tatau ona faia i galuega, e le gata i le gagana a o le va ma isi.
Ua lipotia o nei talanoaga e matuiā e tusa ai ma saunoaga a McDonald ma na ia ta’ua o se faanoanoaga ia te ia.
E leai se tala tele mai le Minisita o le Immigration, Erica Stanford, na ona fai mai o se mataupu e patino i le matagaluega ma o ā foi tuua’iga ua ta’ua mai e moomia le iloilo mae’ae’a.
Puna o Faamatalaga: Eight Immigration NZ staffers put on leave amid investigation into ‘inappropriate’ Microsoft Teams conversations – NZ Herald
