E faaauau pea ona taalo le alii talavou a Penrith, Taylan May i taaloga a le NRL e ui ua feagai nei ma se moliaga o le faaoolima ise mataupu o loo fetauaina mai i Kuiniselani ile tausaga talu ai.
Lipotia e le 7 News ile aso ua faamaonia mai e le Panthers I le po anapo ua faia moliaga e leoleo I Kuiniselani faasaga ia Taylan ile faalavelave lea na fetauaina lona auai ai ae faatoa lima aso talu ona maea le sailiga siamupini ile tausaga ua tea.
Ise pepa o faamatalaga mai le Panthers o loo taua ai I lea lipoti ua taua ai sa faatino foi disciplinary measures ile alii taalo ma silasila foi i le mataupu o loo aafia ai, ua maea logoina foi le NRL ma o loo agavaa pea Taylan e taalo ao faatalia ai lea mataupu ile faamasinoga. O lona uiga la o loo mafai lava ona avanoa e taalo mo le fetauiga a lana au ma Canterbury ile aso Sa nei I Comm Bank Stadium.
