Ua palota le aufaigaluega a le Oranga Tamariki e solo tetee mo o latou totogi faapea ai le tele o galuega fai.
O le iuga lea ua iai ona o le lē fiafia i le ofo na tuuina mai e le pulega ma o lea ua teena e le aufaigaluega o loo tu malosi ai le iuni a le Public Service Association, le PSA.
O loo finau malosi le aufaigaluega ia sii totogi ia ogatasi ai ma le taugata o le tau o le soifuaga ua iai, ae i galuega o loo faatalosagaina le lagolago aua lo latou saogalemu.
O le Aso Faraile 28 o le masina lenei o Oketopa e tetee ai mai le itula e 3 i le 5 i le afiafi; o le aso 4 o Novema mai le itula e 3 i le 5 i le afiafi; Aso Tofi 10 o Novema mai le tasi i le 5 i le afiafi ma le aso mulimuli o le aso 18 o Novema mo le aso atoa.
