Ua pasia i le atunuu o Austria se tulafono e faasā ai ona laeiina ni sikafu i ulu o tama’ita’i i a’oga, na o tama’ita’i i lalo o le ta’i 14 tausaga le matutua.
Ua faailoa i lipoti a le BBC faamatalaga mai ia i latou na pasiaina lea tulafono e faapea o se ata manino lea o le maumaua’i o le atunuu i tulaga tutusa mo tagata uma.
Peita’i fai mai ua lē fiafia ai nisi i lenei tulafono ma le faamatalaga o le a faatuputele ai i le lagona tetee i le Musalemi i le atunuu ma e foliga e lē ogatasi ma le faavae.
Ua faailoa o lea faiga o le a apalai i teine uma i a’oga tuto’atasi ma a’oga faalaua’itele.
O le 2020 na tupu ai foi se tulaga faapea o le faasā lea o le faia o sikafu i ulu o tama’ita’i i lalo o le ta’i 10 tausaga ma sa teena lea tulaga e le faamasinoga ona fai i latou o loo patino lava le faia o ia ituaiga tulafono faasaga i le Musalemi.
O le faaupuga mai le malo e faapea ua faatino lea tulafono ina ia faamalosia atili ai teineiti talavou mai tulaga pagatia.
Puna o Faamatalaga: https://www.bbc.com/news/articles/cn4djk0jj4xo
