Ua faamaonia e to’a 16 tagata ua maliliu ma le to’atele o loo manunu’a i le faalavelave na tupu i le aso ananafi i Sini Ausetalia i le faaitu o Bondi.
Ua faailoa e leoleo o i la’ua na faatupuina le faalavelave o se tamā ma lona atalii lea ua ta’ua ua maliu ai ma le isi o i laua i lenei faalavelave.
Na o ane tafana tagata i luga o le matāfaga o Bondi ma o loo iai videos ua agiga i luga o upega tafa’ilagi i le taimi na o ane ai ma la fana ma tafana ai tagata mai se tama’i alalaupapa i lea lava nofoaga a o le’i tāina le 7 i le afiafi ananafi.
Fai mai le 9News na mulimuli ane maua e leoleo ni mea faapāpā, explosives i se taavale e iai sona sootaga i se tasi o i la’ua ia.
O le Premier o Niu Sa Uelese, Chris Minns ma le Palemia o Ausetalia, Anthony Albanese na o la faaalia, o le faalavelave na taula’i sa’o lava i le komiuniti o tagata Isaraelu, ma ua faamauina e leoleo o le aufaatupu faalavelave sa faatinoina lea gaioiga.
Faailoa i nisi lipoti o le faailogaina o le Hannukah Festival sa faia a le Jewish Community lea na tupu ai le faalavelave.
Ua matua’i lē fiafia le to’atele ma faate’ia i le tula’i mai o lenei faalavelave e lē masani ai i Ausetalia.
Ua faailoa i lipoti o i la’ua na faatupuina le faalavelave, le tamā ma lona atalii e nonofo i Bonnyrigg ae sa aumau i se fale i Campsie a o le’i tupu le faalavelave.
Puna o Faamatalaga: https://www.9news.com.au/national/bondi-beach-shooting-live-updates-latest-news-headlines/5a9bbb14-ef81-45a3-985d-da6b4062460e
