O le asō e tula’i ai i le faamasinoga se alii ua tuua’ia i le faalavelave na tatui ai se’i tulou ni alii se to’alua i le train station i Merrylands i le itu i Sisifo o Sini i le aso ananafi.
Fai mai o le aoauli poo le lata i le 2 na tupu ai le faalavelave na maua atu ai alii ia e to’alua, 21 ma le 23 tausaga ua manunu’a.
Na faailoa ane i leoleo e pei ona lipotia e le 9News, na fai feupua’iga a le alii 21 tausaga ma se isi tagata i luga o le train, alu ane ai le tagata lea ma faaoolima i le isi foi alii e 23 tausaga sa i luga o le platform.
Na ave atu i la’ua na manunu’a i le falema’i ma ua sologa manuia ae poo le ta o le 3 i le aoauli lava ananafi na pu’e ai loa e leoleo se alii e 34 tausaga mai se fale i Guildford, ua molia i le faaoolima ma le faanaunauga e gaoi ni meatotino.
E le’i mafai ona tatalaina i tua a o tālia ai lona tula’i i le faamasinoga.
Puna o Faamatalaga: https://www.9news.com.au/national/two-stabbed-merrylands-railway-station-sydney/0195699a-d352-4058-bd01-9a1f3edd6add
