E to’atele sui o le kegi tietie pasika a le Hells Angels i Sini Ausetalia ua pu’e e leoleo ma molia ona fai mai leoleo a o latou fesoota’i ma le ausolitulafono i se taimi ua o latou faamatalaina, na faatetele ai feeseesea’iga ma se isi kegi.
O le su’esu’ega a leoleo ua faaigoa o le Strike Force Bension na amata ia Aokuso o le tausaga nei e tali atu ai i le tele o le mau vevesi i le va o le kegi lea a le Hells Angels ma le isi kegi o le Gladiators.
Ta’ua e le 9News e 27 poloa’iga mo le saogalemu lautele sa faia faasaga i sui o kegi nei ina ia taofia ai lo latou asia o nofoaga ua ta’ua o clubhouses.
Mai la i le ta o le 6 i le taeao ananafi se’ia oo mai i le asō ua 14 poloa’iga mo su’esu’ega search warrants ua faataunuu e leoleo ma ua pu’eina ai alii e to’a 12 ma molia uma.
O isi moliaga e aofia isi sui o lea kegi, o le avetaavale a o faalēaogāina le laisene ma le faaaogāina o ni ‘au’upega faasāina.
Ua toe tatala uma i tua e tālia ai aso o o latou faamasinoga.
Puna o Faamatalaga: https://www.9news.com.au/national/hells-angels-bikies-charged-allegedly-breach-consorting-warnings/0e0cfd3b-b1ec-4e1e-86ec-6dd18c9a53aa
