E amata i le aso 10 o le masina fou o Tesema ona faamamalu le sā i Ausetalia e faasā ai tamaiti i lalo o le 16 tausaga mai le faaaogāina o le social media.
Ua ave ai ma le faamamafa i auaunaga o loo faagaioia ia pisinisi ina ia faatino gaioiga uma e mana’omia mo le faamautūina o le sā lenei ma le lē mafai ona tatala o ni accounts a tamaiti i lalo ifo o le 16 tausaga.
Fai mai le malo o le sā lea o le ulua’i faiga faavae fou ua galulue ai ma mātua ma ua taula’i sa’o lava i le faaitiitia o le mau faafitauli, aemaise lava i le fanau i le faaaogāina o ia auaunaga.
O se su’esu’ega sa faia a le Malo i le amataga o le tausaga na iloa ai e 96 pasene o tamaiti i le va o le 10-15 tausaga le matutua, latou te faaaogā le social media ma o le 7 mai le 10 o i latou ia sa iai le avanoa sa vaai ai i ni tulaga lē manuia ma uiga i luga o ia auaunaga.
E 10 platforms e aofia i lenei sā e aofia ai le facebook, Instagram, Snapchat, Threads, Tik Tok, X, Youtube, Reddit faapea le Kick and Twitch.
Puna o Faamatalaga: https://www.bbc.com/news/articles/cwyp9d3ddqyo
