Ua toe o se aga faataunuu le palota a Ausetalia ma ua agiga nisi o tusitusiga i luga o le Radio NZ ua faailoa ai o le vaega faaupufai a le Leipa o loo foliga mai le tulaga lelei, e fua i le i’uga o palota faata’ita’i i nisi o matāupu.
Ua faailoa i lea lipoti o loo faatupula’ia pea foi le aofa’i o tagata Pasefika ua aumau i Ausetalia, pe ā ma le 337afe tagata e iai pito Pasefika ae o loo aumau nei i Ausetalia.
Peita’i e ui i lea faatupula’ia o le numera o loo iai pea lava nisi vaega o loo faatuai ai ia tagata e lē gata i le itu tau tupe ae o nisi foi vaega o le soifuaga.
O le fesili e tula’i mai a o sauni Ausetalia i lana palota pe o le ā se uiga o lea palota i tagata Pasefika i le atunuu?
Ua ta’ua i le lipoti o nisi o mafua’aga e aafia ai tagata Pasefika i Ausetalia, o le tau o le soifuaga ma le itiiti o tupe maua ae e lē gata i lea o matāupu e pei o le sitiseni ma aafiaga i tamaiti a’oga e lē maua lea tulaga.
Na saunoa se faipule mai Niu Sa Uelese, David Shoebridge i le lipoti, o lona talitonuga o loo silafia e tagata mai le Pasefika le itiiti o se tulaga faaaloalo mai ia Ausetalia, ua ta’ua e le faipule pe a silasila Ausetalia i le Pasefika e peiseai o loo silasila i ni tioata vaiti peita’i o le Green o loo silasila i le Pasefika o se faiga faapaaga.
Puna o Faamatalaga: https://www.rnz.co.nz/international/pacific-news/559699/what-does-the-2025-australian-election-mean-for-the-pacific-islands
