O le tulafono taufaaofi i le Palemene a Ausetalia e faatatau i faamatalaga lē manuia, hate speech law lea na tuufaatasia talu mai le faalavelave na tupu i Bondi i se taimi e le’i mamao atu, ua lipotia e ono pasia i le Palemene.
E lua vaega ua vaevae iai e le Palemia ma lana faigāmalo le paketi lea o tulafono ina ua mae’a faailoa le lē lagolagoina e nisi o sui o le Soofaatasi aemaise foi le Green Party i le tuufaatasia o ia tulafono e lua, faamatalaga lē manuia ma le faatonutonuina o le umia o fana, gun control.
E taofi eseese le to’atele i nei tulafono peita’i fai mai le faigāmalo o le mea o loo taula’i iai o le faapasia muamua i le Palemene ina ia mafai ai ona faagaioia tulaga tau le puipuiga aemaise o fuafuaga faataatitia mo suiga e ao ona fai e fua i le tulafono pe a pasia.
Puna o Faamatalaga: https://www.9news.com.au/national/hate-speech-laws-to-pass-parliament-after-opposition/5b4cc434-af15-4006-b3cf-aff9c26fa095
