E masani Sini Ausetalia, i ana faafiafiaga ma polokalame fai o le Kerisimasi i tausaga ta’itasi; e masani foi ona maimoaina e le lalolagi ma se vaega tele o tagata peitai o se tausaga ese lenei tausaga.
I le tulai mai o le faalavelave i Bondi, ua iai le lē mautonu i nisi o fuafuaga ua leva ona fuafuaina mai lava i le amataga o le tausaga.
Toe tasi le vaiaso ona faamanatu lea o le Kerisimasi ma e ui e leai se polokalame aloa’ia o le Kerisimasi e faatino i Bondi i le matafaga peitai ua vaaia i aso taitasi le tumutumu atu iai o tagata e faailoa lo latou faaaloalo ma moomooga alofa mo i latou na maliliu i le faalavelave na tulai mai.
Ua faailoa i upega tafāilagi ma ofisa faasalalau i le asō nisi o ata pu’e poo videos ua alia’e o le taimi na taumafai ai nisi o le atunuu e aveese mai le auppega mai le au faatupu faalavelave ma maumau ai o latou soifua.
O loo ta’ua e nisi aemaise le pulega o le aai o Sini o loo taofia uma isi fuafuaga mo le taimi nei sei maua le tonu ma o le a iai foi suiga i molī Kerisimasi o le a’ai o le a sui tulaga iai molī papae e faamanatu ai le Chanukah festival a le lautele o tagatanuu isaraelu ma o le a lē oo foi isi faaaliga o molī ma pesepesega i le taulaga sa fuafua i le vaiaso nei, atoa ai ma isi mea faapāpā sa faatulaga mo le Aso Sa i le Darling Harbour.
Puna o Faamatalaga: https://www.9news.com.au/national/bondi-beach-shooting-attacks-safe-to-travel-advice-sydney-australia/3328c0cd-e41e-4fd4-9f65-9005a5e8ec32
