Ua fautuaina e le vaega e feagai ma fesoasoani i taimi o faalavelave faafuase’i, le SES le faitau miliona o tagata i Niu Sa Uelese ina ia māta’itū lapata’iga mo lōlōga faafuase’i, flash flood e ono vaaia i le aso ona o le mamafa o timuga.
E tele vaega o Sini o loo lapata’ia aemaise i le Illawara ma isi vaega i le itu i Mātū ma Mātū i Sasa’e o le setete.
Fai mai le vaaitau o lōlōga oso faafuase’i e mata’utia tele ma e lē fuafuaina, e mafai ona tupu e aunoa ma se lapata’iga.
Ua lapata’ia foi le setete ma le itu i Saute o Kuiniselani, e mamafa timuga mai le vaveao analeila ua fautuaina foi tagata i uila ma faititili e sau faatasi ma timuga.
Ua fautuaina foi tagata ia faamamao ese ma vaitafe ma ‘alofia le avetaavale i nofoaga o loo lolovaia.
Puna o Faamatalaga: https://www.9news.com.au/national/flash-flood-warning-for-sydney-parts-of-nsw/374518ec-be17-4698-bf3b-52e514620e05
