Ua maitauina le eseese o manatu faaalia o tupulaga talavou e uiga i le sā ua amata i le asō e lē mafai ai ona toe faaaogāina e i latou e i lalo ifo o le 16 tausaga le matutua, le social media.
O le suiga i le tulafono o le online Safety Amendment Act 2024 o se fuafuaga a le malo ina ia tuuina ai se tali mo le tele o faafitauli.
O loo ‘auga tonu i le sa’ilia lea ma puipuia i latou e i lalo o le ta’i 16 tausaga mai le umia o ni accounts i auaunaga faapea i luga o upega tafa’ilagi.
O le finau a le malo ma i latou uma e lagolago i lea suiga, o le faiga lenei o le a puipui ai tamaiti mai aafiaga lē manuia mai le faaaogāina o upega tafa’ilagi.
Ua faaitiitia ai faiga fai faamalosi ma faaitiitia ai foi le avanoa i nisi tulaga lē lelei i luga o upega tafa’ilagi.
O le amata faamamalu ai la o lea sā i le asō ua faailoa e nisi sa faatalanoa e talafou, e foliga ua misi se isi vaega tele o le olaga.
O nisi fai mai e taliaina lenei foi lu’itau mo lo latou lava lelei, a o nisi ua matuā faailoa le lē fiafia, fai mai e lē iloa poo afea o le a masani ai i le lē mafai ona faia accounts i auaunaga e pei o le facebook, twitter, instagram ma isi.
O loo ta’ua i nisi tusitusiga o le faauigaina moni o le sā e ave ai le faamamafa i auaunaga ia social media ma sitepu poo laasaga latou te faia e puipuia ai tamaiti i lalo o le 16 tausaga mai le faia o se account i luga o a latou auaunaga.
Puna o Faamatalaga: https://www.abc.net.au/pacific/australia-s-social-media-ban-is-here-what-does-it-really-mean-/106120932
