O loo faagasolo nei su’esu’ega a leoleo Ausetalia i se faalavelave na faalogoina ai le pā pā ane o fana i le taeao analeila mai se taulaga faatau i le itu i Saute i Sisifo o Sini.
Faamaonia mai e leoleo NSW o le te’a la’itiiti lava o le 9 i le taeao analeila na auai atu ai se vaega tele o malu o le malo i le nofoaga e lata i Camden i fafo ane o le World Gym ma faasāina ai lea nofoaga.
Ua faailoa i lipoti a le 9News e leai se tasi na aafia i le faalavelave ae talitonu na faalogoina le pā pā ane o fana i le nofoaga o le kapaka.
E to’atele tagata faatau na lalafi i le taimi lea ma valaau mo se fesoasoani.
Fai mai nisi molimau na o latou vaaia ni alii se to’alua e fai a la matapulepule sa o ane ma fana.
E molimau isi sa iai i le taulaga faatau na faalogoina le pā pā o fana ma vaaia le tamomo’e o tagata e lalafi i tua o counters o le ofisa o le Service NSW e faatali ai le taunuu atu o leoleo.
O loo faatalia se isi lipoti lata mai o lenei faalavelave.
Puna o Faamatalaga: https://www.9news.com.au/national/shots-fired-police-operation-gregory-hills-south-west-sydney-camden/db4ca8d8-b1d6-447e-a094-c059e68c4bff
