Ua faailoa e le Elevated Culture Foundation i luga o le latou itulau i le facebook, o le faamoemoe o le aso a taeao i le Elevated Cultural Festival o le a maimoa ai le atunuu i faafiafiaga mai aganuu eseese i a’oga e 20 ua lesitala mo lea faamoemoe.
E lē gata i lea o le a mafai foi ona tofo ai soo se ituaiga taumafa mai atunuu o loo auai, faapea musika eseese ma faafiafiaga.
O se tasi lenei o faamoemoe tele i Sini ma o le a faataunuuina i le Federation Forest Reserve i Mt Druitt e amata tatala le nofoaga i le ‘afa o le 9 i le taeao.
Ua faailoa e le Federation o lenei faamoemoe o se faamanatuina o le Pasefika, Apoliki ma aganuu eseese ma o se taumafaiga ia faamalosia le tupulaga talavou, faamalosia sootaga tau le aganuu ma ia tutū faatasi komiuniti.
