E latalata i le $2 miliona lafoga a le tamā faipisinisi mai Tonga na taumafai e alo ese mai ai, ma na maua i lona aumaia faasolitulafono o tapaa mai Tonga.
E 59 tausaga le matua o le tamā Aukilani ua ave e leoleo ma o lea foi ua molia i lona pelogia o le vaega o tiute ae aumai i totonu o Niu Sila oloa e le faatagaina.
E lua uta sa faalafi mai i totonu o containers e tusa lea ma le 1 tone le mamafa ma o lea na aumai faatasi ma manioka, talo ma ‘ava.
O Novema o le tausaga talu ai ma le masina faatoa uma atu na aumai ai nei uta.
Mai le vaega o tiute o tapaa nei na aumai ma le faamoemoe e toe faatau i le komiuniti Pasefika, ma ua valaau mai ai ma le vaega o tiute i soo se tasi i le komiuniti o loo toe faatauina atu i se tau taugofie nei tapaa e le sa’o ma e solitulafono.
