Ua sao mai le Palemia o le Atu Solomona i le lafo o le lē faatuatuaina sa faatūina faasaga ia te ia ma lana ta’ita’iga.

Ua lipotia i le asō i le RNZ e le’i aofia atu le lafo lea i le pepa mo galuega a le Palemene i le asō ma iloa mulimuli ane ai ua toe faaui i tua le lafo a le Faipule mai Honiara, Gordon Darcy Lilo.

Ua lipotia o le lē lava o lagolago i le lafo lea na mafua ai foi ona toe faaui i tua le lafo muamua a le Faipule lava lea sa faia faasaga i le Palemia ia Tesema i le tausaga talu ai, ae o lea foi la ua toe ave i tua ma le isi lafo i le vaiaso nei.

Ua iai fesuia’iga i le Palemene i nisi o Minisita ua faamavae ma aga’i atu i le Itu Agai atoa ma isi Minisita fou ua filifilia e le Palemia.

Ua tolopo ai ma le Palemene a le atunuu se’ia aulia le Aso Gafua o muamua ae avanoa ai minisita fou ua mae’a faatauto e feiloa’i atu ia latou matāgaluega o le a galulue ai nei.

Puna o Faamatalaga: https://www.rnz.co.nz/international/pacific-news/560105/solomon-islands-pm-manele-survives-second-leadership-challenge