Ua faailoa mai e le ofisa o le minisita o le va i fafo a Niu Sila, Winston Peters, e faato’ā mafai ona fai se tusifolau a le Atu Kuki lava ia pe afai e aveesea o latou sitiseni Niu Sila.
Fai mai le RNZ e faafoe lava e le atumotu ana mataupu peitai e fesoasoani iai Aotearoa i mataupu tau le va i fafo aemaise faalavelave faalenatura ma le puipuiga.
O tagata foi o le Atu Kuki e umia tusifolau Niu Sila ma agavaa ai latou e aumau ma faigaluega i le atunuu.
Ua faailoa i le lipoti ua mana’o le Palemia o le atunuu, Mark Brown ina ia fai a latou lava tusifolau peitai ua tali iai le ofisa o le va i fafo a Niu Sila o se isi tusifolau ese, sitiseni ma le avea ma sui o Malo Aufaatasi e na o atunuu ua tuto’atasi e agavaa ai.
E mafai la ona suia le tulaga o iai Le Atu Kuki pe a faia se referendum e suia ai le tulaga o iai nei le atumotu.
Fai mai Brown o le a iai sana folafolaga e faia i le tausaga fou lea e faamanatu ai ma le 60 tausaga o le faafoeina pea e le Atu Kuki o ana mataupu.
Puna o Faamatalaga: https://www.rnz.co.nz/international/pacific-news/537456/cook-islands-passport-would-require-giving-up-nz-citizenship-spokesperson
