Ua fautuaina tagata Niu Sila ina ia talosaga mo ni tusifolau fou pe a manaomia i le a itiiti mai e 2 masina.
Ta’ua i le lipoti a le RNZ o le taimi e faatali ai mo se tusifolau fou e manaomia i se tulaga faavavave, urgent, ua oo atu i le tolu aso faaopoopo iai ma le umi o le kilivaina.
Fai mai o loo tuua’ia lea umi ona faatali i nisi o vaega ua faaleleia atili i le system o loo faaaogāina.
O le taulaiga o galuega a le malo mo le faatinoina o le tusifolau e 10 aso peitai la o lea ua faailoa ma fautuaga pito lata mai mai le Internal Affairs ua ta’ua ai, e tatau i tagata ona tuu se 8 vaiaso faaopoopo iai ma le kilivaina o le tusifolau e maua ai pe afai e talosaga lava i tulaga masani, standard passport application.
Fai mai e silia ma le 38 afe tagata Niu Sila o loo faatalitali i le taimi nei mo tusifolau ma ua ta’ua e le ofisa o loo galulue nei i le vave e mafai ai ina ia faaitiitia taimi e faatali ai tagata mo o latou tusifolau.
Puna o Faamatalaga: https://www.rnz.co.nz/news/national/514860/new-zealand-passport-system-upgrades-lead-to-longer-processing-times
